這次我會分享我在投注時，要留意的４０個FACTORS。這４０個FACTORS說穿了其實是在投注時應該做的事和不應該做的事，或者可以話繫在投注時應該有的態度和不應該有的態度。所以其實是有２０個FACTORS，分開正負（必須／避免）兩面的。
（１）必須：投注過關 避免：投注單頭
足球的賠率不及賽馬的，賽馬可以投注在一場的WQ等，可能已有不錯的回報；但波你買一個單頭，可以贏到幾多錢先？所以買波要贏錢，必須要買過關。咁至於過幾多關才適合呢？我有一位讀數學的朋友同我仔細分析過，其實過三關至四關係最適合的，無論在風險及回報上都算系比較平衡。
（２）必須：冷門過關 避免：熱門過關
意思並不是全買冷門的過關．．．熱的就唔買．．．而系熱門在賽前分析絕對利好後，同時在賠上又有值搏率就可以買。如果買埋ｄ：１．２ｘ１．３５ｘ１．４．．．正所謂中左都冇肉食．．．（但就好似都幾多人會系咁買的．．．因為佢地跌入左我最初講的的２個投注死穴之一：冷的唔敢買，熱就以為越熱越穩陣．．．）
（３）必須：兩瓣過關 避免：單頭過關
這點要分享多一ｄ了。以買一條３ｘ１為例子，每關都只買一瓣的話，中的機會率是多少呢？ 其實只是１／２７。 因為每關投注人只有一瓣（３３．３３％）機會中，馬會／莊家有兩瓣（６６．６６％）機會贏你錢．．．對投注人好不利．．．唔中的機會其實好大的．．．咁點樣將投注人從不利變為有利呢？
如果我在這３關之中，有２關都是選兩瓣的，那麼中的機會就會提升到４／２７，比三關只選一瓣高了四倍的命中率。 但可能你會問：要買４條飛，咁泛本．．．另外本錢大了，回報亦低了．．．咁我會咁念的：冇錯，的確買的４條飛之中只有一條系有機會中的，足足有三條會浪費，但亦唔好忘記，我系有４個機會會贏到錢的，比起只有」唯一」的一個機會可以贏到錢，系咪會有利得多先？ 另外有關回報少了的問題，冇錯，因為本金多了，自然回報的百分比會細左，但我又會問一個問題，我地買波系咪想」中波」先？ 」中波」是必須要的嘛。 假設有人買一條３ｘ１中正會有３０倍，但有人用以上的方法買四條３ｘ１，到最後中了有８倍，你地會點買呢？ 我就一定會揀後者，因為要」中波」先最緊要．．．前者只要」開側」少少．．．就算有３００００倍都冇中．．．因為系」唔中」．．．
（４）必須：冷多熱少 避免：冷少熱多
假設用以上的原則去買四條３Ｘ１，賠率分別為： ２２倍 ２０倍 １８倍 １６倍 我就必定會 ２２倍 及 ２０倍 那兩條買多Ｄ的，１８倍 及 １６倍那兩條買少Ｄ．．．咁點為之多．．．咁為之少呢？ 我就普遍會用（４，３，２，１）的比重去買的。即是我在計劃之內會用＄１０００去買這四條三關的，咁我就會分別用＄４００，＄３００，＄２００，＄１００不同的注碼去買，絕對不會用平均（即＄２５０）去買的。
（５）必須：補本投注 避免：忘本投注
又用以上的例子，可能有朋友會問：點解比重一定系（４，３，２，１）姐？ 我用（5, 3.5, 1, 0.5)唔得嗎？ 搏就搏到可以贏多Ｄ嘛．．．但唔好忘記我地唔系生神仙．．．當然我地想一投注就中．．．但如果開側Ｄ．．．我地可能贏唔到多錢．．．但至少都唔可以輸錢呀．．．若果真系開那條０．５的，就會輸左＄２００了．．．正所謂中三關都要輸錢．．．邊有咁低能架．．．
另一個問題：就系四條都唔中呢？ 咁就系賽前分析出的問題了．．．並不是投注的部份出錯。如果系中了那條０．５的而輸錢，就系投注部份出錯，因為冇設立補本投注，盲目追求高回報。
（６）必須：少以搏多 避免：以多搏少
這點表面看來好簡單，但就正正好多朋友都會犯的錯。無他的，衰貪心小利而已。三國演義中，曹*曾經評論當時實力俾佢自已強的袁紹，曹*話袁紹：小利就搏曬命．．．大利就畏首畏尾．．．（大致系咁的意思啦）。
有不少人肯用一萬元買曼聯１．５倍的Ｗ，以為贏硬嘛．．．但就算俾你贏了，你咪得５０％的回報？ 完全唔值得．．．
（７）必須：本錢要夠 避免：算住度住
投資投注乜都好，最緊要是有本錢，這是恆古不變的定律。有關本錢我有兩點的理解：（Ａ）本錢的多少與你的儲蓄有莫大的關係，投注本錢佔你的儲蓄越細越有利。假設你有１０萬的儲蓄，只將１萬拿來做投注本錢，咁相應上心理負擔會冇咁大。另外就算真系輸曬１萬，都仲可以有機會用多１萬來進行另一個計劃。如果一開始就用３萬５萬做本錢，心理負擔會大多，輸曬後進行另一次計劃亦比較難有信心去推行了。
（Ｂ）如果唔夠本錢，算住度住去買，就會好容易錯失一些贏錢的機會，或者系贏得少或者輸埋添；所以我以前提過一些想跟我學買波的朋友，我第一樣叫他們做的系儲錢（當然如果已有積蓄的就唔使啦），跟住叫他們將部份做投注本錢。那些餐搵餐食餐餐清的，我叫佢地唔好去買波的。
（８）必須：訂立目標 避免：毫無目標
任何計劃都要有目標的，投注計劃亦唔例外。好多朋友只系希望：贏多Ｄ．．．贏多Ｄ．．．這不是目標，只是一種渴求。要達成一個計劃的目標是有方法、步驟及時間的。以我為例，我２年前用１萬做本錢，目標繫在３個月將累積盈餘達到５萬，如果提早達成就再訂立另一目標，不能達成就修訂及檢討。
（９）必須：止蝕預算 避免：沒有止蝕
有了本錢，有了目標，到止蝕預算了。我經常都會問自己及朋友，那本錢會打算投注幾多次（日）後，就會輸曬呢（姑且稱為」輸清比率－－－ＬＲＲ」）？ 我自己就定為２０。以１萬為例，２０次當會輸曬，故我每次是會投注＄５００的。當然可以選擇ＬＲＲ進取些或保守些。另外當１萬真系輸曬，咁會否再來一之投注計劃？ 我是會的，但我就不會有２次以上的。
（１０）必須：保持注碼 避免：注碼飄忽
這點真要詳細分享了。先講注碼飄忽：意思就系唔好按自己的喜惡來加大／縮少每次的注碼。咁系違反了整個投注計劃的。但繫在投注計劃內，又系會有每次注碼不同的事呢，以下會詳細說明。保持注碼的意思，其實應是保持ＬＲＲ。假設投注失利，盈餘少於一萬，每次＄５００的投注是不會縮減的，因為有ＬＲＲ＝２０嘛。但如果盈餘是正數呢？例如去到＄１５０００，咁我的ＬＲＲ又不變（其實我一直以來ＬＲＲ都冇變過），每次的投注就系＄７５０了。盈餘去到＄５００００，每次投注就系＄２５００。雪球是會不停的滾大。但這會引申到有３個致命的問題／心理障礙：
（Ａ）贏左錢，自然想去花花的，這是人之常情，亦系一件好事呢。但其實贏左就去花左佢，變相在計劃中系少左盈餘的，盈利的增長亦會拖慢。咁就要睇番大家投注的最終目標系乜了。如果你的目標系定時有Ｄ閒錢去花，咁亦無可厚非。但我．．．我的最終目標唔系咁簡單呢，我希望能提早退休，我就會咁念：咁辛苦做賽前分析都系想可以快Ｄ提早退休．．．所以我就唔會亂花那些盈餘了。我會保持在本錢之中，繼續滾大。
（Ｂ）唔怕得罪講句，相信大部份師兄都未必系大老闆啦．．．每月的人工相信介乎幾千到幾萬掛。當盈餘滾大時，ＬＲＲ又不變，咁其實每一次的投注可能會等如（或超過）你一個月的人工的。每次照計劃去買，可能一次兩次就做到，但次次做就未必得．．．如果加埋有三幾日投注失利，就更加動搖心．．． 咁其實亦都系人之常情。我自己亦遇到過這情況。但我那時會念：我深信我這套投注策略系掂的嘛。咪所以繼續咯，冇退縮過。另外有朋友都會好驚訝問過我：嘩，你一日買波買成２、３萬咁犀利架．．．我那時冇可能同佢講解我整套投注策略，故我只可以咁答佢：你贏左＄５００，會否介意輸番＄２０or＄３０？ 佢話唔介意。 咁我咪話：一樣姐。有五十萬的盈餘，又點會（應）介意輸二、三萬？
（Ｃ）當盈利不停增長時，會不期然會念多左野的．．．例如心雄的希望買大Ｄ．．．保守的希望守住勝果．．．買細左．．．又會有」割禾青」派，取番部份出來，唔再輸番俾佢．．．又會有增加ＬＲＲ派．．．等等。 我就冇特別對不同的選擇有不同的評論，畢竟每人都不同，我只有提醒大家：你最終的目標系乜先？ 你點做都好．．．系咪一個最理想的做法去切合你最終的目標？ 所以我一直以來都只將贏番來的放在本錢之中。
（１１）必須：次次計算 避免：追回所失
每次（日）的投注，贏也好輸也好，都算啦。實在不宜分早場夜場。早場贏夜場想追贏多Ｄ都未必系咁壞，因為最多輸番俾佢，當冇玩過而已．．．但就好容易養成一個壞習慣．．．萬一早場輸，就會比較難抑制想在尾場贏番的衝動．．．犯錯的機會就會多了．．．
（１２）必須：詳盡／客觀分析 避免：福至心靈／投入感情
好多投注足球的人，只會用不多的時間去做賽前分析；正如我的分享之中，賽前分析至少有十四方面要考慮，若果只顧及三四個方面就決定投注，實在冒險。另外，有不少的朋友有睇開波的，亦有自己喜愛的球隊，或會受「名牌球隊」效應而影響。我個人的看法是：足球只是令到我贏錢的工具，不應投入感情。好像股票般，應該不會對你買的股票有感情掛？ 但似乎有不少朋友就系犯了這個「鍾意球隊」或「名牌效應」的錯誤。
（１３）必須：自行研究 避免：聽信報紙／他人
做詳細的賽前分析，的確是一件枯燥乏味的事，花的時間又長．．．（我習慣認真度一場波，往往要兩小時．．．）但有一句名言：唔辛苦又點得世間財？辛苦的自行研究完，所得的回報是絕個屬於自己的，沒有任何人可以奪去。有時往往當中了時，是一份成功感大過金錢的回報呢。現今信息爆炸，要獲得球彩的信息太容易，那些在報章／電台／電視等等的所謂名家．．．唉．．．佢地都系一個普通人而已．．．我地又點知道佢地憑什麼而得出結論？ 佢地又會否只因為一兩個有利的factor就已建議人買其中一隊？ 再者，那些乜乜擂台比賽．．．十個八個所謂名家參加．．．往往只有一兩位能贏錢．．．我地又可以信得誰？ ｄ名家買波掂，就唔系寫報紙做電台啦．．．
引申到另一事，就系自行研究的心得，應否與人分享？ 我的態度系否定的。 因為各人有各人買波的方法或態度。一來自行研究的心得是經過辛苦而得來的結論，何須與人分享？ 二來俾左人，佢贏左又唔會分ｄ俾自己的；輸左就會怨你．．．結果系永遠都對自己冇好處．．．既然系對自己冇好處的事，點解又要做？
所以小弟覺得世上最冇lun用的人，就系只識問人攞心水／貼士的人，佢地不去自行研究，只想不勞而獲的得到好處。
（１４）必須：敢於出擊 避免：畏首畏尾
我最多的投注的是３Ｘ１。其中一關是鐵膽。其餘兩關會買兩瓣。咁當然在選擇買兩瓣的場次之中，自然會選一些賠率高的了（例如：和～３．２及客～３．２）（又例如：和～３．６及客～３．９）。當然絕不會選些賠率低的了（例如：主～１．９及和～３．３）（又例如：主～１．７及和～３．２）。
還記得人有兩個投注的盲點嗎？ （１）冷的唔敢買 （２）輸左想贏番 想贏錢的確要衝破這兩個盲點的．．．所以當經過詳細的賽前分析後，得出結論那場波，賠率高的一隊（即被看淡的一隊），是斷定不會輸的話，買它的兩瓣是有利的。這就是敢於出擊的第一個意義也。其實一個好簡單的比例計算：好多人可以用幾百，就贏到幾千（姑且當１０倍的利潤啦）。數學上來說，點解又唔可以幾千贏到幾萬？ 或者幾萬贏到幾十萬？ 又或者幾十萬贏到幾百萬呢？ 都系一樣１０倍利潤之嘛？ 愚見以為，當盈餘去到一定程度時，又不改變ＬＲＲ的話，故可能每次的投注，不其然會與自己的每月的收入／資產等等作比較的。一有這比較之下，往往會出現不知的畏首畏尾恐懼．．．原按計劃是買＄１００００的，變為買＄５０００，盈利的增長就拖慢了。
為要克服這類的畏首畏尾，而要敢於出擊。我會不斷提醒自己：我深信的我的賽前分析是詳盡的，亦相信自己的投注策略行之有效，我現在的錢亦是從「無」變成現在的盈餘．．．其實又有所足懼呢？這就是這點的第二個意義。
（１５）必須：逐次蠶食 避免：孤注一擲
這好似系老生常談，似乎不須太多的講述。其實不是的．．．當人曾經有一定程度的盈餘時．．．但偏偏輸番部份．．．這時候就會陷入其中的一個盲點「輸左想贏番」這點了．．．孤注一擲的行為亦最容易出現。例如盈餘本是有１０萬的，輸輸下變成得７萬，往往這時候就會容易做出「大手投注」的事，因為心理上是會好想贏番「曾經贏過的錢」的．．．真要避免這種處理呀！！！ 始終要用逐次蠶食的方法／心態去做，才會較為理性／合理。
（１６）必須：耐心耐性 避免：急於求財
無論做賽前分析也好，做賽後檢討也好．．．「時間」是必須的．．．「耐性」亦是必須的．．．贏錢不能一夜富貴，有穩定的盈利增長才是合理／精明的投注策略。所以絕不應以一日兩日的得失，而影響整個投注策略／心理。以半季或一季來做計劃，會是合理的時段。急門求財當然系死路一條．．．心急想贏錢，絕對會影響心理／判斷。就算可以有一兩次求到急財．．．最後亦容易賠上全部
（１７）必須：記錄投注／賽後檢討 避免：忘卻投注／過眼雲煙
好多朋友買馬也好，買波也好，都會花好大比重的時間在做「賽前分析」及球賽進行之中一路睇波。但就可能花極少的時間做賽後檢討。
我的習慣是經常都會做賽後檢討的。當然冇可能當日每一場波都做，但至少自己投注的都要做檢討呀。當日投注失利時，做賽後檢討可以發掘到自己犯錯的地方，從而不會一切「賴冇運」。 可知究竟是做賽前分析出錯？ 還是投注策略出錯？ 審視完犯錯的成因後，相信可對下次的投注是有啟發作用的。我亦習慣會在投注得利時，一樣會做賽後檢討。古語都有講：「勝莫驕」。中正條３Ｘ１，究竟是真的自己眼光獨到？ 還是有其它的原因？ 不過人是自大的動物．．．當自己有好處時，總習慣會將功勞歸於自己的．．．但我的經驗告訴我，有時贏錢的確是自己眼光好、做賽前分析好。 有時贏錢就真系運氣．．．例如個鐵膽在補時階段才入到波贏１：０，那不是運氣嗎？ 如果那隊波能贏，又何需到補時才贏呢？ 我自己當遇到上述的情況，會歸納自己為已犯錯的了（雖然賬面上我是贏了錢）。能做好賽後檢討已是幾難的事（指相對上對於很多投注人來講），但要做得更好，就應做埋「投注記錄」。記錄低一切自己曾投注過的波，我認為會有三個好處：
（Ａ）某程度可以是賽後檢討的參考；
（Ｂ）成為不斷能提醒自己不要犯投注上錯誤的參考；
（Ｃ）當遇到有一段時間失利的境況時，可成為保持信心的助力。
好多朋友買完波，贏就「也文也武」．．．輸就怨天由人、狗吠、話冇運．．．但他們有否反省過自己點解會輸呢？ 又會否在下一次投注時犯上同樣的錯誤呢？ 自己買左乜野波．．．下星期或下個月就唔記得曬．．．又系咪精明／有效的投注方法呢？所以我的看法，做賽後檢討及記錄投注，是整個投注策略中，重要的一環，千萬別輕視。
(１８）必須：重點出擊 避免：日日出擊
一個人的時間是有限的，總沒可能每天都花８、９個小時研究足球吧。所以選擇重點的出擊日或賽事，是必須的。我個人就會對友誼賽、世界盃外圍賽、歐國杯外圍賽、各大聯賽的各式杯賽等等，都不太參與投注的。好簡單，球隊對這些杯賽的興趣，真系除非系局中人，否則真繫好難知道佢地的想法的．．．唯一例外的系歐聯及歐協，這兩個杯賽，對球隊來說是重要的錦標，極少球隊會輕視的，所以就容易研究出結果來。
一星期之中，幾乎每天都可以有足球賽事可以投注。雖雲每天皆有贏錢的錢會，但實際亦是每天都有輸錢的機會。不過，人的心態真繫好特別的，有一種東西叫「心癮」是也！尤其是在有盈餘時或在近來順風順水時，更容易每天都「心思思」去買添。 我自己就真系唔會咁做的．．．只會集中在週末的兩天，間中在周中會研究而已。 一來不是每天有咁多時間；二來在其它的日子多是不熟悉的聯賽；三來少選擇；四來我還有其它的事要做呢（例如拍拖、彈琴、聽音樂等等），贏錢機會多的是，何須每天都咁困身？
最後就系，當經過一段時間的研究後，若沒有太理想的研究結果，其實亦不適宜投注的。我自己就「好忍得手」，有時真的經過幾小時的研究後，都不會投注的。因為當我做了研究後，我自己都沒有信心，又如何說服我自己去投注呢？ 投注最理想就是「一擊要即中」嘛！ 自己都冇信心能擊中，又何須要出手？ 留番Ｄ錢在下次才投注吧。 雖然浪費左時間，但都系冇辦法的事．．．
如果因冇投注，而贏了，咁又點面對呢？ 這時，人最正常的反應系自怨自艾等等．．．但其實應是自己做賽前分析出了錯呢。 如果是做了賽前分析得出結論是有信心說服自己去投注的話，又點會冇信心去買呢？
我自己當然遇過這情況，我就不會太怪自己「點解唔去投注」，反而是更要提醒自己在賽前分析方面是否出了問題。
（１９）必須：機動策略 避免：頑固策略
（ａ）做人總有高低潮的時候，當旺時真系點石成金，當黑時真系行路都俾磚頭飛中．．．投時亦一樣。雖然有詳細的賽前分析、周密的投注策略、穩定的投注心理，但都可以「唔中」的．．．
有一排都「唔中」時，應點處理呢 aos買一關可以係一種考慮。由本來買三關，改為買兩關，中的風險細了，即是相比三關易中了，對挽回投注的信心是有幫助的（對賬面的增長亦有幫助）。
（ｂ）還記得我投注時有ＬＲＲ嗎？ 我每次都是２０的。 但我有很多的時候，做完賽前分析都不會去投注的。 變相就少了一次投注的機會。 故我曾經將某次投注的錢DOUBLE的。好像是遺反了「不應隨意改動每次投注金額的多少」這原則吧？ 其實不是的。因為我多了去投注的錢，是從某次我不投注時剩下的吧。所以ＬＲＲ仍是２０。
但這情況，應只運用在當旺的時候。在弱勢的時間，不宜採用。
（ｃ）做人除左投注足球，還有很多的事要兼顧的。若果生活上有什麼煩擾時，亦不應再花時間在足球上。幾時會見到眉頭皺的人贏錢的？
此為「機動策略」的三個意義也。
（２０）必須：平靜坦然 避免：提心吊膽
投注足球，目的是最終贏錢。人除左錢重要外，其實有一樣東西更重要，就是健康。
不計即場投注／走地盤等等，大部份人投注足球後，其實都不能改變什麼的了。唔通睇live，你叫多兩聲隊波會入多兩球咩？
我以前買馬，除了用近半天的時間做一場馬的賽前分析，臨場的賠率變動亦要顧及，開跑後仲大獲．．．心跳上升，血壓上升，呼吸急促．．．跑馬就緊張一兩分鐘．．．成場波９０分鐘．．．會對身體帶來幾多的負荷？
我唔知大家信否？ 我已兩年多沒有看live的了。 因為我的目的是最終贏錢而已，並不是希望「一路睇住自己點樣贏錢」．．．開始的時候不習慣．．．仍要開著計算機，聽到「ＶＶ」聲時就望望．．．
後來連計算機的live賽果都冇開了．．．到翌日早上再看戶口結餘。
但這算不算投注足球的心理最高境界呢？ 我認為仍不是的。 我認為最高境界系「做賽前分析要盡心盡力，但投注後，最好就好似當冇投注過」。去到咁樣的話，某程度變成一種心態系贏輸都冇乜所謂，對自己的健康、精神、或下次的投注心理都有好處的。
我未能去到這個境界，仍在努力中，但有三幾次試過，那感覺繫好正的。
總結感受：
十四個賽前分析及四十個投注重點分享完，希望會對各位朋友有幫助。但小弟已在２００６年初，已毋須要再用這方法贏錢了．．．經過半季的試驗，我已找到一種近乎必勝的投注方法了。
在季初的時候，我將本金分成：
Ａ：十萬 以某種方法定時投注（最保守的）
Ｂ：十萬 以某種方法定時投注（中度進取的）
Ｃ：十萬 以某種方法定時投注（進取型）
Ｄ：十萬 以某種方法定時投注（搏大霧型）
Ｅ：一百五十萬 以我一向的度波方法去投注
截至１月初：
Ａ基金結餘約：$ 622310 （約６倍的回報）
Ｂ基金結餘約：$ 1012100 （約１０倍的回報）（但曾注資２次共１５萬，獲利後退回）
Ｃ基金結餘約：$ 1735568 （約１７倍的回報）（但曾注資３次共２０萬，獲利後退回）
Ｄ基金結餘約：$ 2947720 （約２９倍的回報）
Ｅ基金結餘約：$ 3839115 （約２．５倍的回報）
Ｅ的回報完全不及其它，咁我仲為點解要度波度得咁辛苦呢？ 收山了．．．只用ＡＢＣＤ，到季尾盈利亦有增長的（至少在今季都會系，下季就未知了），慳番Ｄ做賽前分析與賽後檢討的時間，去享受人生好了。至於ＡＢＣＤ系乜野投注方法？ 請見諒，我無意分享出來。 師兄朋友們覺得我老作咪老作咯。但我可以寫得出咁多投注分享要點出來，念得出咁高的回報結構又有何出奇？
最後，希望小弟的分享，對朋友們有點啟發，從而在投注足球上有收穫。
